Með einfaldri innkaupagreiningu má fá gagnlegar upplýsingar um stöðu innkaupa. Slík greining er mjög góð byrjun á innleiðingu vistvænna innkaupa. Niðurstöður úr innkaupagreiningunni nýtast vel í forgangsröðun og sem grunnur að stefnumótun í innkaupum.

Hér eru spurningar sem aðstoða við einfalda innkaupagreiningu og gefa upplýsingar um m.a. umfang og tíðni innkaupa, fjölda birgja og virkni samninga.

Umfang

• Hver eru heildarinnkaupin?
• Hvað eru reikningar margir (tíðni innkaupa)?
• Hvað eru birgjarnir margir?
• Hverjir eru 5-10 stærstu birgjarnir?
• Hvaða vörur og þjónusta eru keyptar? Hvert er innkaupamagnið (innkaupafjárhæðir) fyrir hvern vöruflokk?
• Hve margir birgjar eru með 75% af innkaupamagninu?
• Hve margir birgjar bjóða upp á umhverfismerktar vörur eða umhverfisvottaða þjónustu?

• Hve margir birgjar eru með samninga?
• Hve stór hluti innkaupa eru innan samninga?
• Hve stór hluti samninga við birgja fela í sér umhverfisskilyrði?

• Hvaða vörur og/eða þjónusta eru notuð af flestum deildum/sviðum?
• Hvaða deildir/svið kaupa af mestum fjölda birgja? Hvaða deildir kaupa flestar tegundir af vörum og þjónustu?
• Hvaða deildir/svið nýta samninga oftast, mælt sem hlutfall af heildarinnkaupum?

Spurningarnar hér að ofan eru í aðalatriðum byggðar á "Analyse- og strategiværktøj til grønne inköb", sem nánar má lesa um á dönsku vefsíðunni www.gronindkobsportal.dk