|
Þriðjudagur, 03. júní 2008 14:24 |
|
Við innleiðingu vistvænna innkaupa er byrjað á því að byggja góðan grunn að vistvænum innkaupum, síðan er innleiðingunni haldið áfram stig af stigi og að lokum eru vistvæn innkaup orðin samþætt öllum innkaupum. Taflan hér fyrir neðan sýnir helstu aðgerðir sem mikilvægar eru til að byggja grunn að árangursríkum vistvænum innkaupum. Taflan er tekin úr stefnu um vistvæn innkaup ríkisins og byggir á aðferðafræðinni “Framvindurammi” (e. flexible framework) sem lesa má um hér. Ath! Þó að hér sé talað um stofnanir má heimfæra þessa aðferðafræði á allar tegundir starfsemi, opinbera jafnt sem fyrirtæki. | 1. STIG: Að byggja grunn að vistvænum innkaupum stofnunar | | LYKILSVIÐ | HELSTU AÐGERÐIR | | FÓLK: Byggja upp færni, fræðsla og upplýsingar | Lykilfólk í innkaupum hefur fengið fræðslu um vistvæn innkaup. Vistvæn innkaup eru hluti af grunnþjálfun nýrra starfsmanna. | | SÝN: Leiða með fordæmi, stefnumótun og samskipti | Samkomulag um skýr meginmarkmið í vistvænum innkaupum stofnunarinnar. Innkaupareglur m.a. um vistvæn innkaup stofnunarinnar samþykktar af æðsta yfirmanni. Markmið og innkaupareglur vel kynntar starfsmönnum og lykilbirgjum. | | INNKAUPAFERLI: Fjarlægja hindranir og bæta aðgengi, verkfæri og samþætting | Greining á innkaupum og helstu umhverfisáhrifum hefur verið gerð. Verklag í innkaupum stofnunar vel skilgreint. Lykilsamningar fela í sér umhverfisskilyrði. Samningar metnir eftir bestu kaupum en ekki eingöngu lægsta verði. | | BIRGJAR: Grípa tækifærin, virkjun birgja | Greining á lykilbirgjum út frá kostnaði og umhverfisáhrifum hefur verið gerð. Samráð við lykilbirgja við gerð innkaupareglna fyrir stofnunina. | | EFTIRFYLGNI: Stöðugar umbætur, mælingar og endurgjöf | Þýðingarmestu umhverfisþættir í innkaupum hafa verið skilgreindir. Einföldum mælikvörðum um alla þætti á stigi 1 hefur verið náð. |
|
Fyrir kaupendur 
